Plantun de Prouvènço

Pèr coumpara dos planto d'encò nostre

Hypecoum pendulum & Brachypodium distachyon

Hypecoum pendulum

Papaveraceae

Noms en français : Cumin à fruits pendants, Petit Cumin.

Descripcioun :
Lou cumin-pendoulant trachis dins li champ de cerealo. Mai emé lis erbicide e la criblo di gran, es uno planto que se vèi pu gaire. Fai de fueio primo e proun penado, de flour mistoulino un pau plato emé li petalo dóu deforo mai longo que li dóu dedins. Douno de long fru que pendoulon (fotò). La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Hypecoum
Famiho : Papaveraceae

Ordre : Ranunculales

Coulour de la flour : Jauno
Petalo : 4
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à jun

Liò : Champ - Meissoun - Ermas
Estànci : Mesoumediterran
Couroulougi : Eurimediterrano-Èst
Ref. sc. : Hypecoum pendulum L., 1753

Bauco(-di-dos-espigo)

Brachypodium distachyon

Poaceae Graminaceae

Nom en français : Brachypode à deux épis.

Descripcioun :
Aquéu Brachypodium, planto de l'an, èi bèn pichot (10 à 20 cm), fai pas de mato nimai de rizoumo. Coume lou dis soun noum, a, mai pas toujour, dos espigo bèn barbudo pèr cambo. Se destrìo de si cousin de l'an, en mai de la taio (meno óuriginalo à 2n) que si fueio soun courto (< 3 cm), cihado emé mens de 12 costo que se vèson à l'iue nus. Coumpara emé la bauco-bastardo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 20 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Brachypodium
Famiho : Poaceae
Famiho classico : Graminaceae
Tribu : Triticeae

Coulour de la flour : Verdo
Petalo : ges
Ø (o loungour) enflourejado : 30 à 60 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Paret - Roucaio - Tepiero seco
Estànci : Termoumediterran à Coulinen
Couroulougi : Eurimediterrano
Ref. sc. : Brachypodium distachyon (L.) P.Beauv., 1812

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Hypecoum pendulum & Brachypodium distachyon

ges

Coumpara Cumin(-pendoulant) emé uno autro planto

Coumpara Bauco(-di-dos-espigo) emé uno autro planto